Átján manns hafa verið ákærðir í máli sem tengist hópi sem er grunaður um innflutning, vörslu, sölu og dreifingu fíkniefna. Þeirra á meðal er höfuðpaur hópsins, að sögn lögreglu. 

Landsréttur staðfesti í dag gæsluvarðhaldsúrskurð Héraðsdóms Reykjavíkur yfir meintum höfuðpaur glæpahópsins.

Í gæsluvarðhaldsúrskurðinum kemur fram að ákæra hafi alls verið gefin út á hendur 18 manns þann 5. júlí. Manninum er meðal annars gefið að sök stórfellt fíkniefnalagabrot og brot í skipulagðri brotastarfsemi.

Lögreglan hefur í rannsókn sinni lagt hald á fíkniefni, fíknilyf, stera, íblöndunarefni, grammavogir, peninga, peningatalningavélar, höggvopn, stunguvopn, skotvopn og skotfæri. Þá hafa fundust 40 milljónir króna í reiðufé sem taldar eru tengjast rannsókninni.

Frétt af mbl.is

Á þriðja tug handteknir í aðgerðum lögreglunnar

„Eins og hann væri að reka fyrirtæki“

Lögreglu þykir meintu brotin afar alvarleg og þaulskipulögð. Samkvæmt greinargerð lögreglu réðst lögreglan í umfangsmiklar húsleitir síðasta haust á nokkrum heimilum og uppgötvaði spjallhóp á samskiptaforritinu Signal.

Ríkisútvarpið kveður spjallhópinn nefnast „Sólheimajökull“.

Á Signal-hópnum voru átta manns, allir með leyninöfn, og í raun grunar lögreglu tvo um að stýra hópnum. Að minnsta kosti annar þeirra er í haldi lögreglu.

Lögreglan segir að maðurinn sé yfir allri starfseminni í umræddum söluhóp.

„[Maðurinn] ræddi starfsemina eins og hann væri að reka fyrirtæki,“ er tekið fram í greinargerð lögreglu. Þar kemur fram að meinti höfuðpaurinn hefði að mestu neitað að tjá sig en neitað sök.

Frétt af mbl.is

Fíkniefni falin í pottum: Gæsluvarðhald framlengt

Fíkniefni í pottum og fjármunir í pokum

Þá er manninum gefið að sök að hafa skipulagt peningaþvætti. Það á hann að hafa gert með því að láta fjölnotahöldupoka með peningum ganga á milli manna.

Lögregla hafði afskipti af einum manni sem hafði sótt poka sem annar maður hafði skilið eftir og innihélt 12,4 milljónir króna.

Maðurinn sem sótti pokann kvaðst ekkert vita hvað í væri í pokanum, að sögn lögreglu. Maðurinn sem skildi pokann eftir sagðist hafa að átt að flytja hann á milli staða að beiðni meinta höfuðpaursins.

Annar maður var einnig stöðvaður þegar hann var á leið úr landi með um 16,1 milljón króna í reiðufé í farangri.

„Í annarri skýrslutöku skýrði [maðurinn sem var á leið úr landi] frá því að hann hefði fengið val, annaðhvort borgaði hann fíkniefnaskuld upp á 900.000 krónur eða að hann færi með þessa peninga úr landi,“ segir í úrskurðinum.

Flest­ir sak­born­ing­anna voru hand­tekn­ir í aðgerðum lög­reglu um miðjan apríl, en þá stóð hóp­ur­inn fyr­ir komu tveggja manna sem fluttu fíkni­efni til lands­ins með skemmtiferðaskipi. Fíkni­efn­in voru m.a. fal­in í eld­húspott­um.

Allt að tíu ára fangelsi

Maðurinn hefur verið í gæsluvarðhaldi frá 11. apríl og sem fyrr segir var hann ákærður á föstudaginn, 5. júlí.

Hann mun að óbreyttu sæta áframhaldandi gæsluvarðhaldi, þó ekki lengur en til föstudagsins 2. ágúst 2024.

Landsréttur telur sterkan grun um að hann hafi framið afbrot sem getur varðað tíu ára fangelsi.

Lögreglan lagði hald á mörg kíló af eiturlyfjum. mbl.is/Eggert Jóhannesson

Tengdar fréttir

Skipulögð glæpastarfsemi

Brotastarfsemi tekið breytingum til hins verra

• Grunaðir um tengsl við skipulagða glæpastarfsemi
• Þakklátur viðbrögðum stjórnvalda
• Umsóknin heldur áfram í kerfinu
• Ráðherrar bregðast við ógn

» Fleiri tengdar fréttir

Sólheimajökulsmálið

Ekki gerlegt að sakfella eftir lýsingu í ákæru

• Fer fram á sex og hálfs ára fangelsi yfir Jóni Inga
• „Miklu meira en bara yfirmaður”
• Pottarnir límdir saman
• Geymdi peninga í frysti því hún treysti ekki syninum

» Fleiri tengdar fréttir

• Blogga um frétt