Fylgst með fölsuðum pennum
Setja bókamerki
Forstjóri Lyfjastofnunar segir ekki hafa borið á fölsuðum Ozempic-pennum hér á landi. Alþjóðaheilbrigðismálastofnunin sendi frá sér tilkynningu í júní þar sem varað var við fölsunum á sykursýkislyfinu Ozempic.
Ástæða viðvörunarinnar er falsaðir Ozempic-pennar sem hafa ratað inn í hefðbundnar aðfangakeðjur í Bretlandi, Írlandi, Brasilíu og Bandaríkjunum síðasta árið.
Forstjóri Lyfjastofnunar, Rúna Hauksdóttir Hvannberg, segir að stofnunin sé meðvituð um vandann.
„Við fylgjumst mjög náið með þessu. Það hefur ekki borið á þessu hjá okkur og ekki í þeim löndum þaðan sem heildsalarnir hér taka vöruna,“ segir Rúna og bætir við:
„Aðfangakeðjan á Íslandi er frekar lítil og þétt. Það eru fáir heildsalar og algjörlega fylgst með þessu.“
Mesta hættan ef pantað í gegnum netið
Þá segir Rúna að mesta hættan sé þegar fólk panti lyf með ólöglegum hætti í gegnum netið.
„Það eina sem við höfum verið að vara við er að vera ekki að kaupa þetta á netinu eða eitthvað slíkt því þá er ekki vitað hvað er í pennunum. Minnsta hættan er að það sé ekkert og mesta hættan er að það geti mögulega verið insúlín í pennunum.“
Skipun Ingu í stjórn HMS ekki lögmæt
Svolítill djammkarl í vísindum
Hvað er að gerast á milli Indlands og Pakistan?
Aðför að atvinnulífinu í borginni
Deilt um veiðigjöldin fram á kvöld
Ólíkir túlkunarkostir á dómstigunum