„Kannabis og eitthvað af hvítu“
Setja bókamerki
Óvenjufá fíkniefnamál voru á borði lögreglunnar í Vestmannaeyjum yfir verslunarmannahelgina í ár.
„Það var óvenjulítið af efnum þarna,“ segir Karl Gauti Hjaltason, lögreglustjóri í Vestmannaeyjum, og bætir við að málin hafi verið um tíu til fimmtán í heildina.
„Þetta var bara eitthvað smotterí.“
Segir hann engin stórmál hafa komið upp. Enginn var gómaður með fíkniefni í sinni vörslu sem ætluð voru til sölu eða dreifingar, að því er lögreglan telur.
Minna en á síðustu hátíðum
Eins og áður segir voru um tíu til fimmtán fíkniefnamál sem rötuðu á borð lögreglu um helgina. Eru það mun færri mál en á síðustu hátíðum.
„Þetta er sitt lítið af hverju, kannabis og eitthvað af hvítu. En þetta er mikið minna en undanfarnar hátíðir,“ segir Karl Gauti.
Engum vopnum var beitt á hátíðinni en lögregla lagði þó hald á nokkra hnífa. Voru þeir færri en tíu.
Vaka hf. lýst gjaldþrota
Læknar samþykkja nýjan kjarasamning
Þessi eru í starfshópum verðandi ríkisstjórnar
Bjarni: „Lítil tíðindi í þessum tölum“
Ætla að fara yfir hvað fór úrskeiðis
Starfsfólk Blackbox fái laun ekki greidd
Hver vill segja Iceguys að þegja?
