Myllur hafa meðbyr
Setja bókamerki
„Þegar umsókn um framkvæmdaleyfi fyrir vindorkuver kemur til afgreiðslu geri ég ekki ráð fyrir öðru en jákvæðum undirtektum hér. Þetta verkefni virðist hafa meðbyr; að minnsta kosti eru óánægjuraddir ekki háværar,“ segir Eggert Valur Guðmundsson oddviti Rangárþings ytra.
Sem kunnugt er gaf Orkustofnun á dögunum út leyfi fyrir virkjun vindorku í Búrfellslundi, á svonefndri Vaðöldu, sem er nærri Sultartangastíflu. Þar er ætlun Landsvirkjunar að reisa 28-30 vindmyllur á 17 ferkílómetra svæði. Uppsett afl þeirra verður um 120 MW. Sú orka er lítið eitt minni en uppsett afl Sultartangavirkjunar, sem er þarna skammt frá og nýtir fall Tungnaár.
Nærsamfélagið njóti arðs af nýtingu
Skipulagsmál vegna vindorkuversins eru í höfn og jarðvegsrannsóknir hafa verið gerðar.
Í Rangárþingi ytra hefur Landsvirkjun verið með starfsemi í áratugi á Þjórsár- og Tungnaársvæðinu og starfsemin skipt samfélagið miklu máli. Skapað mörgum atvinnu, sérstaklega á framkvæmdatímum, að sögn oddvitans. Slíkt ásamt öðru eigi vafalaust sinn þátt í því að afstaða íbúa til vindorkuvers við Sultartanga er frekar jákvæð. Það hafi komið skýrt fram í viðhorfskönnun sem sveitarfélagið lét gera fyrr á þessu ári.
„Þótt við munum að öllu óbreyttu taka jákvætt í umsókn um framkvæmdaleyfi vegna Búrfellslundar höfum við samt ákveðna fyrirvara. Tryggja verður að nærsamfélagið hér um slóðir njóti í einhverjum mæli þess arðs sem nýting vindorkunnar þarna mun skapa. Staðan er þannig að þegar hafa verið gerðir sölusamningar vegna þeirrar orku sem þarna verður framleidd og því miklir hagsmunir í húfi,“ segir Eggert Valur.
Nánar í Morgunblaðinu.
Skulda Landspítalanum 440 milljónir
Hver vill segja Iceguys að þegja?
„Nauðsynlegt varnarviðbragð almannavarna“
Þessi eru í starfshópum verðandi ríkisstjórnar
Staða Rússlands veikst gríðarlega
Íbúar segjast varnarlausir
Læknar samþykkja nýjan kjarasamning
