Mikil viðvera lögreglu á hátíðinni Í túninu heima í Mosfellsbæ í gærkvöldi tengdist orðrómi um mögulegar hefndaraðgerðir vegna stunguárásarinnar á Menningarnótt sem leiddi til andláts sautján ára stúlku, Bryndísar Klöru Birgisdóttur.

Þetta staðfestir Hjördís Sigurbjartsdóttir, aðstoðaryfirlögregluþjónn, en hún segir orðróminn ekki tengjast atburðum föstudagskvöldsins þar sem hnífi var beitt í líkamsárás á hátíðinni. 

„Það gerist á föstudagskvöldinu, orðrómurinn var að það myndi eitthvað gerast um laugardagskvöldið.“

Aðspurð segir hún lögreglu ekki telja árásina á föstudagskvöldið og árásina á Menningarnótt tengjast.

Frétt af mbl.is

Hnífi beitt á bæjarhátíð í Mosfellsbæ

Orðrómurinn óljós

Hún tekur fram að orðrómurinn hafi verið afar óljós og fyrst byrjað að berast lögreglu af einhverju viti á laugardaginn. Ábendingar hafi ekki beinst að tilteknum einstaklingum.

Lögregla hafi verið með mikla viðveru á hátíðinni í kjölfarið í samstarfi við skipuleggjendur, gæsluliða og Flotann - flakkandi félagsmiðstöð, sem hafi verið afar sýnileg á staðnum.

„Allir sem að þessu koma juku bara aðeins við og við teljum að það hafi orðið til þess að þetta fór vel fram,“ segir Hjördís.

Frétt af mbl.is

Dýrmætt sakleysi sem kostaði Bryndísi Klöru lífið

Frétt af mbl.is

„Bryndís Klara er dóttir mín“

Tengdar fréttir

Hnífstunguárás á Menningarnótt

Opna kirkjudyrnar og minnast Bryndísar Klöru

• Votta fjölskyldu Bryndísar Klöru samúð sína
• Minnast Bryndísar Klöru á morgun
• Boða til bænastundar gegn ofbeldi og ótta
• Tengsl á milli hins grunaða og aðila í bílnum

» Fleiri tengdar fréttir

Ofbeldishegðun ungmenna

Sex ára með hníf: Móðir gagnrýnir skóla harðlega

• „Maður er bara mjög uggandi“
• Tilkynnt um hníf í slagsmálum þriggja ungmenna
• Þúsundir barna bíða og ráðherra svarar ekki
• Mikilvægt að horfast í augu við hrinu ofbeldis

» Fleiri tengdar fréttir

• Blogga um frétt