„Við tölum um réttlætisriddara þar sem þau eru að taka lögin í eigin hendur.“

Þetta segir Unnar Þór Bjarnason lögregluþjónn á höfuðborgarsvæðinu en hann var gestur Dagmála í gær ásamt Kára Sigurðssyni verkefnastjóra Flotans – Flakkandi félagsmiðstöðvar, þar sem aukið ofbeldi og vopnaburður ungmenna var til umræðu.

Unnar gegnir nú fullu starfi sem „samfélagslögga“ eftir að verkefnið hlaut aukið fjármagn í kjölfar neikvæðrar þróunar ofbeldis á meðal ungmenna.

Samfélagslöggur heimsækja skóla og ræða við börn á öllum skólastigum og svara spurningum þeirra um ýmis málefni er varða lög og reglu – þar á meðal ofbeldi.

Frétt af mbl.is

Barnaofbeldi er faraldur á Íslandi

Taka lögin í eigin hendur

Segir Unnar sum ungmenni einfaldlega halda að þau megi taka lögin í eigin hendur og hefna sín geri einhver eitthvað á þeirra hlut eða vina þeirra. Þau geri sér oftar en ekki grein fyrir því að vopnaburður sé óheimill.

Kveðst Unnar iðulega fá spurningar um sjálfsvörn og því sé brýn þörf á að tala um orsök og afleiðingar við börn og ungmenni að sögn Unnars.

Börn spyrji jafnvel spurninga á borð við: „Af hverju má ég ekki vera með hníf ef ég er bara að verja sjálfan mig?“

„Það fer mjög mikill tími oft í að ræða um afleiðingar. Hvað gerist ef þú mætir með hníf þarna. Hvað gerist ef þú kýlir einhvern sem ýtir í þig.“

Kári segir sum ungmenni meðvituð um eigin ósakhæfi. Ljósmynd/Colourbox

„Já en ég er náttúrulega ósakhæfur“

Kári tekur undir með Unnari en bendir sömuleiðis á að hluti ungmenna þekki reglurnar en telji sig vera stikkfrí vegna aldurs.

„Það er líka alveg hópur sem er svolítið að fókusera á að segja: já en ég er náttúrulega ósakhæfur.“

Að hans mati felist lausnin meðal annars í því að fleira fólk sé til reiðu sem unglingar geti leitað til líkt og samfélagslöggan og starfsfólk félagsmiðstöðva. Ungmenni eigi til að lenda óvart í aðstæðum sem þau sáu ekki fyrir í leit að félagsskap og mikilvægt að þau viti hvert þau geti leitað til að fá aðstoð.

Áskrifendur Morgunblaðsins geta horft á þáttinn í heild sinni hér: 

Ofbeldi ungmenna grófara en áður

Tengdar fréttir

Dagmál

Segir ákveðinn skuldavanda fyrir hendi

• Fáum við eitt tækifæri eftir andlátið?
• Upplifði hræðslu í skólum við umræðuna
• Hannes Þór: „Þá sprakk ég úr reiði“
• „Var alltaf erfitt fyrir mig að fá næsta skref“

» Fleiri tengdar fréttir

Ofbeldishegðun ungmenna

Aukin ofbeldishegðun fyrirséð

• Sagði vargöld ríkja á Íslandi
• Kópavogsbær bregst við vopnaburði ungmenna
• „Mun enginn skaðast af því að læra sínar bænir“
• Sigurður Ingi: Viljinn til að semja er fyrir hendi

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Rökleysur sem lifa góðu lífi áratugum saman.