Lögreglan rannsakar nokkur mál sem tengjast tveimur mönnum sem úrskurðaðir voru í fjögurra vikna gæsluvarðhald í lok síðasta mánaðar. Málin snúast um hótanir og líkamsmeiðingar, rán og ofbeldi í garð drengja í Hafnarfirði.

Frétt af mbl.is

Ógnuðu börnum í Hafnarfirði og höfðu af þeim fé

Sævar Guðmundsson aðalvarðstjóri segir að ákærusvið lögreglunnar hafi farið fram á fjögurra vikna gæsluvarðhald sem Héraðsdómur Reykjaness hafi samþykkt.

Hann segir að mennirnir, sem er á aldrinum 21-23 ára, séu grunaðir um nokkur alvarleg brot á mismunandi tíma en þeir hafa ógnað drengjum, hótað að nota hnífa, stolið fatnaði af drengjum og krafið þá um að millifæra fé í gegnum farsíma þeirra.

Frétt af mbl.is

Ógnuðu börnum í Hafnarfirði: Tveir hnepptir í varðhald

Gæsluvarðhald yfir mönnum tveimur rennur út þann 20. september en sá þriðji sem er grunaður í málunum var vistaður á Stuðlum þar sem um barnaverndarmál er að ræða.

Atvikin áttu sér stað á þremur stöðum í Hafnarfirði, við Hraunvallarskóla, á Víðistaðatúni og við verslunarmiðstöðina Fjörð.

Tengdar fréttir

Ofbeldishegðun ungmenna

Aukin ofbeldishegðun fyrirséð

• Sagði vargöld ríkja á Íslandi
• Kópavogsbær bregst við vopnaburði ungmenna
• „Mun enginn skaðast af því að læra sínar bænir“
• Sigurður Ingi: Viljinn til að semja er fyrir hendi

» Fleiri tengdar fréttir

• Blogga um frétt