Lögregla rannsakar mál sem kom upp í dag, þar sem tilkynnt var um þrjú ungmenni í slagsmálum í póstnúmeri 104.

Kom fram í tilkynningunni að eitt þeirra væri með hníf.

Hnífnum kastað

Var viðkomandi sagður hafa dregið upp hníf og við það hafi hin ungmennin hlaupið af vettvangi.

Mun hnífnum þá hafa verið kastað í átt að þeim, án árangurs.

Fram kemur í dagbók lögreglu að málið sé til rannsóknar með aðkomu barnaverndar Reykjavíkur og forráðarmanna ungmennanna.

Að sögn Ásmundar Rúnars Gylfasonar aðstoðaryfirlögregluþjóns tengist málið ekki hefndaraðgerðum vegna annarra árása. Að undanförnu hafa komið upp nokkur mál þar sem ungmenni beita hnífum.

Fréttin hefur verið uppfærð með upplýsingum frá lögreglu.

Frétt af mbl.is

Réðust að 15 ára dreng með hnífi og hnúajárni

Frétt af mbl.is

Ógnuðu börnum: Nokkur mál til rannsóknar

Tengdar fréttir

Ofbeldishegðun ungmenna

Aukin ofbeldishegðun fyrirséð

• Sagði vargöld ríkja á Íslandi
• Kópavogsbær bregst við vopnaburði ungmenna
• „Mun enginn skaðast af því að læra sínar bænir“
• Sigurður Ingi: Viljinn til að semja er fyrir hendi

» Fleiri tengdar fréttir

• Blogga um frétt