Guðrún: Ákvörðun um brottvísun Yazans stendur
Setja bókamerki
Ákvörðun um brottflutning Yazans Tamimi stendur. Þetta sagði Guðrún Hafsteinsdóttir á Alþingi rétt í þessu.
Áður en flugvél með Yazan og fjölskyldu hans fór af landi brott til Spánar í morgun barst Guðrúnu beiðni frá félags og vinnumarkaðsráðherra um að framkvæmdinni yrði frestað vegna þess að hann óskaði eftir að fá að ræða málið í ríkisstjórn.
„Ég ákvað að verða við þeirri beiðni og lagði þess vegna fyrir ríkislögreglustjóra að fresta för um sinn. Það breytir því þó ekki að ákvörðun um brottflutning stendur en framkvæmdinni á þessum brottflutningi hefur verið frestað,“ sagði Guðrún í óundirbúnum fyrirspurnum.
Spurði hvort VG hefði hótað að sprengja ríkisstjórnina
Sigmundur Davíð Gunnlaugsson, formaður Miðflokksins, spurði Guðrúnu Hafsteinsdóttir dómsmálaráðherra m.a. hvort að hún teldi sig hafa lagaheimild fyrir því að fresta brottvísun Yazans Tamimi. Hann fékk ekki svör við þeirri spurningu.
„Treystir hæstvirtur ráðherra ekki heilbrigðiskerfinu á Spáni? Treystir hæstvirtur ráðherra ekki stjórnkerfinu á Íslandi eða var þetta gert eingöngu af kröfu ráðherra Vinstrihreyfingarinnar græns framboðs og hvað hefði gerst ef ekki hefði orðið við þeirri kröfu?
Fóru ráðherrar Vinstrihreyfingarinnar græns framboðs fram á að hæstvirtur ráðherra skipti um skoðun í þessu máli eða ella myndu þeir slíta stjórnarsamstarfinu?“ spurði Sigmundur Davíð.
Hann fékk ekki svör við þessum spurningum.
Ræddu um mögulega eignaraðild á kjarnorkuveri
Ekki sjálfsagt að Ísland verði undanskilið
Vill skoða að senda börn í meðferð í útlöndum
Barnamálaráðherra átti barn með 15 ára dreng
„Þetta er risasigur“
Kannast ekki við mistök: Guðmundur stendur við orð sín
Foreldrar í Breiðholti taka málin í sínar hendur