Vakinn, klæddur og fluttur upp á flugvöll
Setja bókamerki
Rétt fyrir klukkan 23 í gærkvöldi mætti sjö til átta manna hópur, sem samanstóð af lögreglumönnum og starfsmönnum hins opinbera ásamt túlki, til að sækja ellefu ára palestínska drenginn Yazan Tamimi í Rjóðrið.
Alls tók aðgerðin um 40 mínútur.
Þetta herma heimildir mbl.is.
Mun hópurinn hafa mætt í Rjóðrið, hjúkrunar- og endurhæfingardeild Landspítala fyrir langveik fötluð börn, þar sem lögreglan upplýsti heilbrigðisstarfsmenn um erindi sitt og fór svo og vakti Yazan.
Fór á hjólastól í bíl og svo skutlað í burtu
Eftir að Yazan var vakinn þurfti hann svo að klæða sig í föt.
„Og svo fer hann bara í hjólastólnum sínum í bíl sem var lagt fyrir utan og gat tekið við hjólastólum. Honum var ekið í burtu rétt fyrir miðnætti,“ segir heimildarmaðurinn, sem telur lækni hafa fylgt Yazan frá upphafi til enda, en þó ekki á vegum Landspítalans.
Yazan er með Duchenne-vöðvahrörnunarsjúkdóminn.
Aftur á leiðinni á Landspítalann
Ekki liggja fyrir upplýsingar að svo stöddu um hvort að fjölskylda Yazans hafi verið með honum á spítalanum er náð var í hann.
Albert Björn Lúðvígsson, lögmaður Yazans, segist hafa rætt við foreldra drengsins. Yazan er nú kominn á Barnaspítala Hringsins samkvæmt heimildum mbl.is.
Upphaflega átti Yazan að fara ásamt fjölskyldu sinni með flugi úr landi fyrr í morgun, eða kl. 8.25 til Barcelona að því er talið er.
Heimildir mbl.is herma að Guðrún Hafsteinsdóttir dómsmálaráðherra hafi fyrirskipað að hætt yrði flutning Yazans úr landi, eftir að beiðni þess efnis kom innan úr ríkisstjórninni.
Ætla að fara yfir hvað fór úrskeiðis
Skulda Landspítalanum 440 milljónir
Brotist inn og stolið fyrir um tvær milljónir króna
Staða Rússlands veikst gríðarlega
Hefja að skrifa stjórnarsáttmála eftir helgi
/frimg/1/53/65/1536551.jpg)
Svissneska UBS komið með yfir 5% í Marel
Allt uppbókað í hjónavígslunum
Bjarni: „Lítil tíðindi í þessum tölum“
