Grindum komið upp fyrir utan fund ríkisstjórnar
Setja bókamerki
Lögreglan hefur komið upp grindum við Hverfisgötu 4 þar sem fundur ríkisstjórnarinnar er haldinn, en búið er að boða til mótmæla þar á eftir vegna fyrirhugaðrar brottvísunar Yazans Tamimi og fjölskyldu hans.
Eru nokkrir mótmælendur mættir nú þegar.
Fyrirskipaði að fresta brottvísuninni
Sigurður Ingi Jóhannsson fjármálaráðherra og Guðrún Hafsteinsdóttir dómsmálaráðherra staðfestu í Silfrinu í gær að málefni Yazans, tólf ára drengs með vöðvarýrnunarsjúkdóminn Duchenne, yrðu rædd á fundinum.
Vísa átti drengnum ásamt fjölskyldu hans úr landi í gærmorgun. Voru Yazan og fjölskylda hans komin í Leifsstöð og búin að vera þar í nokkrar klukkustundir þegar dómsmálaráðherra fyrirskipaði að fresta brottvísuninni. Eins og mbl.is hefur greint frá var það vegna þrýstings innan ríkisstjórnarinnar frá Vinstri grænum.
Ráðherrar ekki gefið sig á tal við blaðamann
Hópur fólks hyggst koma saman í dag fyrir utan fundinn til að mótmæla fyrirhugaðri brottvísun Yazans og fjölskyldu hans. Eins og áður sagði eru þegar nokkrir mættir.
Þeir ráðherrar sem eru mættir á fundinn hafa ekki viljað gefa sig á tal við blaðamann mbl.is sem er á vettvangi.
/frimg/1/53/65/1536551.jpg)
Svissneska UBS komið með yfir 5% í Marel
Læknar samþykkja nýjan kjarasamning
Þorgerður geti virkað sem límið í samstarfinu
Starfsfólk Blackbox fái laun ekki greidd
Vöruhús við Álfabakka: Fóru eftir vilja borgarinnar
Lenti í hálkuslysi skömmu eftir kosningar
Staða Rússlands veikst gríðarlega
Ætla að fara yfir hvað fór úrskeiðis
