„Já, það er rétt,“ seg­ir Arn­ar Þóris­son kvik­mynda­gerðarmaður og yf­ir­fram­leiðandi frétta­skýr­ing­arþátt­ar­ins Kveiks hjá Rík­is­út­varp­inu í sam­tali við mbl.is, spurður um hvort hann hefði fengið stöðu sak­born­ings í máli sem varðar stuld á farsíma Páls Stein­gríms­son­ar skip­stjóra og sem slík­ur verið kallaður til yf­ir­heyrslu hjá lög­regl­unni í síðustu viku.

Arn­ar kvaðst ekki hafa verið kallaður til yf­ir­heyrslu vegna máls­ins fyrr, en svo sem kunn­ugt er hafa fjór­ir blaðamenn stöðu sak­born­ings í mál­inu.

Hann sagði að lög­regl­an hefði spurt sig um ým­is­legt sem sím­ann varðaði, svo sem hvort hann hefði haft aðkomu að hvarfi sím­ans og að sím­inn hafi verið opnaður, en Arn­ar kvaðst ekki hafa viljað tjá sig um það. DV greindi fyrst frá þess­ari nýju fram­vindu máls­ins.

Spurður um hvort hon­um væri kunn­ugt um næstu skref í mál­inu sagði hann svo ekki vera, að öðru leyti en því að hon­um hefði verið tjáð að rann­sókn máls­ins væri á loka­metr­un­um og lög­regl­an myndi skila því af sér til ákæru­sviðs á næstu vik­um.

Arn­ar sagðist aldrei hafa lent í því fyrr að vera kallaður til yf­ir­heyrslu hjá lög­regl­unni.

„Þetta fer í lífs­reynslu­bank­ann. Þetta var ekk­ert sárt af minni hálfu, en mér finnst það furðulegt hvað hægt er að halda þessu máli gang­andi lengi. Ég ef­ast ekki að öll­um þeim sem að þessu koma finn­ist það líka. Ég skynjaði það líka hjá fólk­inu sem var að spyrja mig spurn­inga að það væri ör­ugg­lega til í að vera að gera eitt­hvað annað, án þess að ég ætli að fara að gera því upp hugs­an­ir,“ seg­ir Arn­ar og kvaðst aðspurður ekki vita hvort til stæði af hálfu lög­regl­unn­ar að kalla hann aft­ur til yf­ir­heyrslu.

Tengd­ar frétt­ir

Sam­herji í Namib­íu

Ákær­ur ólík­leg­ar að mati dóm­ara

• Vilja skoða tölvu Jó­hann­es­ar
• Þúsund­ir smá­skila­boða fund­ust í tölvu
• Vand­ar Jó­hann­esi ekki kveðjurn­ar
• Óvíst hvort niðurstaðan verður kærð

» Fleiri tengd­ar frétt­ir

Byrlun­ar­málið

Um­mæl­in séu til­hæfu­laus og til­bún­ing­ur

• Páll hygg­ur á skaðabóta­mál gegn RÚV
• Eft­ir­lit með fjöl­miðlum heyri ekki und­ir nefnd­ina
• Vildi flytja mál Páls á milli embætta
• Kall­ar eft­ir rann­sókn en tal­ar ekki í umboði kon­unn­ar

» Fleiri tengd­ar frétt­ir

• 2 blogg um frétt­ina

Bloggað um frétt­ina

• Páll Vil­hjálms­son: Heim­ild­armaður­inn benti á Arn­ar, þriðja yf­ir­heyrsla Þóru
• Ingólf­ur Sig­urðsson: Þegar fólk gef­ur þumla (læk) á sam­fé­lags­miðlum til að styðja …