Átta til tólf erlendir glæpahópar

„Talið er líklegt að íslenskir, erlendir sem og fjölþjóðlegir glæpahópar muni leitast við að auka umsvif sín á Íslandi á komandi árum og einnig er raunhæfur möguleiki talinn á því að nýir hópar muni reyna að koma sér fyrir,“ segir í skýrslunni.

Þá er þar fjallað sérstaklega um starfandi glæpahópa á Íslandi sem tengdir eru ákveðnum þjóðarbrotum frá Mið-Austurlöndum og Suðaustur-Evrópu. Tiltækar upplýsingar bendi til að erlendir hópar séu um flest betur skipulagðir en þeir innlendu. Starfsemin sé síður háð tilviljunum og meiri „atvinnumennska“ einkenni hana, t.a.m. hvað verkaskiptingu varðar.

Blandaðir glæpahópar

Halla Bergþóra Björnsdóttir, lögreglustjóri á höfuðborgarsvæðinu, segir skipulagða glæpahópa hér á landi bæði vera innlenda og erlenda og þá séu einnig blandaðir glæpahópar starfandi hér, sem sé ekki alþekkt í löndunum í kringum okkur.

Lesa má meira um málið í Morgunblaðinu í dag.