Helmingi færri íbúðir eru í byggingu á höfuðborgarsvæðinu en sveitarfélög þar töldu sig geta byggt í húsnæðisáætlunum sínum.

Samkvæmt talningu HMS voru fjögur þúsund íbúðir í byggingu á höfuðborgarsvæðinu í september. Til samanburðar væri hægt að byggja tæplega átta þúsund íbúðir á þeim lóðum sem sveitarfélögin á höfuðborgarsvæðinu töldu byggingarhæfar í húsnæðisáætlunum þeirra árin 2022 og 2023. 

Þetta kemur fram í mánaðarskýrslu HMS.

Mestu munar á framkvæmdum og væntum íbúðum í Reykjavík. Þar voru yfir 1.330 íbúðir í byggingu á meðan húsnæðisáætlun borgarinnar gerði ráð fyrir uppbyggingu 2.940 íbúða á lóðum sem voru taldar byggingarhæfar á síðustu tveimur árum.

Þar á eftir kemur Kópavogur, þar sem einungis 59 íbúðir eru í byggingu þrátt fyrir að bærinn áætlaði að byggingarhæfar lóðir árin 2022 og 2023 gætu séð fyrir uppbyggingu 1.401 íbúðar.

Framboð íbúða jókst á markaðnum

Framboð íbúða jókst talsvert á milli mánaða á fasteignamarkaðnum en á landinu öllu voru um 3.600 íbúðir til sölu í lok ágúst samanborið við um 3.300 íbúðir í lok júlímánaðar.

Leigumarkaðurinn hefur tekið breytingum frá síðasta ári. Fleiri leigja nú af vinum og ættingjum heldur en áður, samkvæmt niðurstöðum úr árlegri leigumarkaðskönnun HMS.

Tengdar fréttir

Húsnæðismarkaðurinn

Leggja til afnám stimpilgjalda

• „Fyllumst vanmætti við slíkar aðstæður“
• Sjáum til lands í baráttunni við verðbólguna
• Sjálfbærnivottanir valdi hærra fasteignaverði
• Vill húsnæðisliðinn út úr viðmiði

» Fleiri tengdar fréttir

• Blogga um frétt