„Hví erum við dýrasta land í heimi?“
Stefán E. Stefánsson
Setja bókamerki
Vilhjálmur Birgisson, formaður Starfsgreinasambandsins vill kalla erlenda sérfræðinga til landsins til þess að gera úttekt á því af hverju Ísland sé dýrasta land í heimi [engar alþjóðlegar rannsóknir benda til þess að Ísland sé dýrasta land í heimi þótt landið skori gjarnan hátt á listum yfir lifikostnað fólks. - innskot blaðamanns].
Segir hann mikilvægt að svara því meðal annars hvort sökudólgurinn fyrir dýrtíðinni hér á landi sé íslenska krónan eða ekki.
Þetta kemur fram í viðtali við Vilhjálm í Spursmálum. Hann hefur áður kallað eftir úttekt af þessu tagi og óskað eftir samstarfi vð Samtök atvinnulífsins þar um. Þau hafa ekki orðið við þeirri beiðni.
Digrir sjóðir til að fjármagna úttektina
Í þættinum er Vilhjálmur spurður hvort honum sé ekki í lófa lagið að ráðast í þessa úttekt sjálfur, enda sitji verkalýðshreyfingin á digrum sjóðum sem nýta mætti til að fjármagna hina erlendu sérfræðinga.
Í spilaranum hér að ofan má sjá orðaskiptin um þetta mál sem urðu æði snörp og hressileg.
Viðtalið við Vilhjálm má sjá og heyra í heild sinni í spilaranum hér að neðan. Hann er gestur Spursmála ásamt Þorbjörgu Gunnlaugsdóttur, alþingismanni Viðreisnar.
Segja 20 liðsmenn Hisbollah látna
Óvenjuleg tilkynning: 19 í gæsluvarðhaldi
Eina leiðin var að fella björninn
Átta til tólf erlendir glæpahópar
Fjarskiptatæki um alla borg sprungu samtímis
Björninn sagður nálægt byggð
Quang Le: „Rottuskíturinn kom mér á óvart“
Mikilvægt að úrræði séu endurskoðuð