Land í Svartsengi rís með jöfnum hraða og áætla líkanreikningar að kvikusöfnun haldi sömuleiðis áfram með svipuðum hraða.

„Mælingum á landrisi og áætlun á hraða kvikusöfnunar svipar til þess sem sást á milli síðustu kvikuhlaupa og eldgosa á Sundhnúkagígaröðinni,“ segir í tilkynningu Veðurstofunnar.

Búast má við nýju kvikuhlaupi og jafnvel eldgosi á Sundhnúkagígaröðinni. Jarðvísindamenn telja þó ólíklegt að sú sviðsmynd raungerist á næstu vikum ef horft er til síðustu tveggja atburða. Aðeins brot af þeirri kviku sem fór úr kvikuhólfinu í síðasta eldgosi hefur safnast fyrir þar aftur.

„Of snemmt er hins vegar að fullyrða um hvenær von er á næsta kvikuhlaupi eða eldgosi.“

Tengdar fréttir

Eldvirkni á Reykjanesskaga

Hætta vegna jarðfalls í sprungur metin töluverð

• „Ró­leg al­veg fram í miðjan nóv­em­ber“
• Grindavík og Svartsengi blikna í samanburði
• Stjórnvöld meðvituð um sviðsmyndina
• „Skulum rétt vona að brautin lokist ekki“

» Fleiri tengdar fréttir

• Blogga um frétt