Pallborðsumræður um hnattrænar áskoranir og öryggis- og varnarsamstarf fara fram í Háskólanum í Reykjavík í dag frá klukkan 12 til 13.15. Þátttakendur verða formenn utanríkisnefnda þjóðþinga Norðurlanda og Eystrasaltsríkjanna.

Fjallað verður um hnattrænar áskoranir, meðal annars stríðið í Úkraínu, áhrif aðildar Svíþjóðar og Finnlands að Atlantshafsbandalaginu og varnar- og öryggissamstarf Norðurlanda og Eystrasaltsríkjanna, að því er segir í tilkynningu.

Beint streymi:

Viðburðurinn er haldinn á vegum Varðbergs, samtaka um vestræna samvinnu og öryggismál, og Háskólans í Reykjavík. Honum verður streymt á netinu og einnig birtur síðar textaður á YouTube og samfélagsmiðlum.

Þátttakendur:

• Diljá Mist Einarsdóttir, formaður utanríkismálanefndar Alþingis;
• Aron Emilsson, formaður utanríkismálanefndar sænska þingsins;
• Irma Kalniņa, varaformaður utanríkismálanefndar lettneska þingsins;
• Ine Eriksen Søreide, formaður utanríkis- og varnarmálanefndar norska þingsins;
• Kimmo Kiljunen, formaður utanríkismálanefndar finnska þingsins;
• Marko Mihkelson, formaður utanríkismálanefndar eistneska þingsins;
• Michael Aastrup Jensen, formaður utanríkismálanefndar danska þingsins;
• Emanuelis Zingeris, formaður utanríkismálanefndar litháíska þingsins.

Opnunarorð flytur Davíð Stefánsson, formaður Varðbergs. Stjórn pallborðsumræðu: Diljá Mist Einarsdóttir, formaður utanríkismálanefndar Alþingis.

Tengdar fréttir

Varnarmál Íslands

Ísland yrði ekki undanskilið í stríði

• Átök geta haft meiri áhrif á Íslandi en nokkru sinni fyrr
• Án fordæma á lýðveldistímanum
• Ágreiningur í VG um aðild að NATO
• Segir öryggi Íslands betur tryggt utan NATO

» Fleiri tengdar fréttir

Úkraína

Segja Norður-Kóreumenn hafa haft lítil áhrif

• Norðurkóreskir hermenn drepnir í stríði Rússa
• Sammála um að koma þurfi á „varanlegum friði“
• Norðurkóreskir hermenn felldir í Evrópu
• Ákærður, fundinn sekur og myrtur

» Fleiri tengdar fréttir

• Blogga um frétt