Ökumaður bifreiðarinnar er látinn

Ökumaður bifreiðarinnar sem hafnaði utan vegar á Skaga fyrr í dag er látinn. Farþegi sem var með í bifreiðinni var fluttur með sjúkrabifreið á Sjúkrahúsið á Akureyri til frekari aðhlynningar.

Þetta kemur fram í tilkynningu frá lögreglunni á Norðurlandi vestra á facebook. 

Alvarlegt umferðaslys varð á Skagavegi, norðan við Skagaströnd við Fossá á þriðja tímanum í dag. Bifreiðin lenti utan vegar og ofan í Fossá. 

Frétt af mbl.is

Tveir í bílnum sem valt og hafnaði utan vegar

Vegfarendur veittu aðstoð

Rannsóknarnefnd samgönguslysa kom á vettvang og er rannsókn slyssins á borði rannsóknardeildar lögreglustjórans á Norðurlandi vestra.

„Embættið vill koma á framfæri þökkum til vegfarenda sem veittu aðstoð á slysstað.
Einnig viljum við þakka embætti lögreglustjórans á Norðurlandi eystra fyrir veitta aðstoð,“ segir í tilkynningunni. 

• Blogga um frétt