Vísindavefurinn hlaut viðurkenningu Rannís fyrir vísindamiðlun árið 2024.
Þetta kemur fram í tilkynningu frá Rannís.
Þar segir að vinsældir Vísindavefsins hafi aukist jafnt og þétt frá upphafi og að meðaltali heimsækja yfir sjö þúsund manns vefinn á degi hverjum og fletta þar tæplega níu þúsund síðum.
Í tilkynningunni segir að Vísindavefurinn hafi frá árinu 2000 fjallað um öll vísindi, hverju nafni sem nefnast, allt frá stjörnufræði til handrita og frá sameindalíffræði til sálfræði.
Vefurinn sé í nánum tengslum við samfélagið þar sem hann svarar spurningum sem berast frá almenningi og ekki síst ungmennum.
Starfsfólk Vísindavefsins eru Jón Gunnar Þorsteinsson, ritstjóri og Emilía Dagný Sveinbjörnsdóttir, verkefnastjóri, segir í tilkynningunni.