Rafmagnslaust víða um land

„Það virðist eitthvað hafa komið upp hjá Norðuráli sem verður þess valdandi að það kemur högg á kerfið og veldur því að það verður rafmagnslaust víða,“ segir Steinunn Þorsteinsdóttir, upplýsingafulltrúi Landsnets.

Rafmagnið fór af um hálfeittleytið í dag.

„Við erum að vinna í því í augnablikinu að ná utan um þetta,“ bætir Steinunn við.

Hún segist hafa heyrt af rafmagnsleysi á Húsavík, í Dalvík og á hluta af Vestfjörðum. Þá hefur mbl.is einnig heyrt af rafmagnsleysi á Siglufirði vegna þessa.

„Vonandi náum við hratt og örugglega utan um þetta. Við erum að vinna í að greina þetta.“

Á vef Rarik segir að rafmagnstruflanir séu víða í gangi í landskerfinu á Norðvesturlandi og Austurlandi.

Kortasjá Rarik. Mynd/Skjáskot

• 1 blogg um fréttina

Bloggað um fréttina

• Guðjón E. Hreinberg: "Það virðist eitthvað" - er samsæriskenning