Þrír á slysadeild eftir þriggja bíla árekstur

Harður þriggja bíla árekstur varð á Suðurlandsvegi við Hólmsá nærri afleggjaranum að Heiðmörk á tólfta tímanum í morgun.

Að sögn Davíðs Friðjónssonar, aðstoðarvarðstjóra hjá slökkviliðinu á höfuðborgarsvæðinu, voru þrír fluttir til skoðunar á slysadeild með minniháttar meiðsli.

Tveir dælubílar og þrír sjúkrabílar voru sendir á vettvang þar sem um stóra umferðaræð er að ræða.

• Blogga um frétt