Hreinsunarstarfi lokið og búið að opna laugina

Hreinsunarstarfi í sundlaug Seltjarnarness er lokið og er laugin nú opin almenningi á nýjan leik. Eins og fram kom á mbl.is var hún lokuð í morgun vegna glerbrota sem voru á botni laugarinnar og á sundlaugabökkunum.

Flöskum var kastað á sundlaugabakkann og ofan í laugina en gleðskapur var í Gróttu í gærkvöld og hugsanlegt er að einhverjir gestir þar hafi kastað flöskunum.

Frétt af mbl.is

Allt fullt af glerbrotum og laugin lokuð

Jón Sigurðsson, framkvæmdastjóri Gróttu, segir að hátíðarsalur Gróttu sé reglulega í útleigu og í gærkvöld hafi verið gleðskapur á vegum Sporthússins. Honum hafi verið lokið fyrir miðnætti.

Groran Jovanovski, verkstjóri í Sundlaug Seltjarnarness, sagði við mbl.is að laugin hafi verið opnuð rétt eftir klukkan 12 en enn eigi eftir að skoða upptökur úr myndavélum sem verði hugsanlega gert í dag eða í síðasta lagi á morgun.

• Blogga um frétt