Öllum sundlaugum Reykjavíkur lokað

Reykjavíkurborg hefur lokað öllum sínum átta sundlaugum í dag og er óljóst hvenær hægt verður að opna þær aftur. 

Ástæðan er bilun í Nesjavallavirkjun og skert flæði á heitu vatni til höfuðborgarsvæðisins. 

Í tilkynningu frá Reykjavíkurborg segir að hluti þeirra véla sem sjá um framleiðsluna í Nesjavallavirkjun séu komnar aftur af stað en virkjunin er ekki á fullum afköstum. 

Frétt af mbl.is

Fólk hvatt til þess að fara sparlega með heita vatnið

Vegna þessa biðja Veitur fólk um að fara sparlega með heita vatnið á meðan á viðgerð stendur.

Veitur höfðu samband við sína stærstu viðskiptavini með ósk um að heitavatnsnotkun yrði lágmörkuð eins mikið og hægt er til setja heimili og viðkvæma starfsemi í forgang.

Reykjavíkurborg hefur orðið við þeirri beiðni og hefur sundlaugum því verið lokað og gervigrasvellir stilltir á lægstu stillingu.

• 1 blogg um fréttina

Bloggað um fréttina

• Geir Ágústsson: Kunna Íslendingar ekki að reka innviði lengur?