Svo mikla áherslu lagði Áslaug Hulda Jónsdóttir, aðstoðarmaður ráðherra, á orð sín í Spursmálum að barmafullt vatnsglas fór um koll. Gerðist þetta þegar talið barst að brotthvarfi kristinfræðslu úr skólum.

Með henni í þættinum var enda geistlegur maður, sr. Ólafur Jóhann Borgþórsson, sóknarprestur í Seljakirkju og verðandi framkvæmdastjóri Herjólfs í Vestmannaeyjum.

Morgunblaðið kemur alltaf til bjargar

Góð ráð voru dýr enda ekki í boði að stöðva útsendingu þrátt fyrir örlítið votviðri. Brá þáttarstjórnandi þá á það ráð að grípa nærliggjandi Morgunblað, sem þá þegar hafði verið lesið upp til agna. Tókst að þerra Spursmálaborðið svo að fundafært varð að nýju.

Frétt af mbl.is

Séra Herjólfur eða örkin hans Óla

Athygli vekur að á þeim tíu mánuðum sem Spursmál hafa verið í loftinu er þetta í annað sinn sem vatni er skvett með tilþrifum sem þessum. Síðast gerðist það þegar Björt Ólafsdóttir, fyrrverandi ráðherra, mætti til leiks. Lagði hún svo ríka áherslu á orð sín að eitthvað varð undan að láta.

Þá uppákomu má sjá ef smellt er á fréttina hér að neðan:

Frétt af mbl.is

„Guð ég er brjáluð“ – og hellti niður vatni

Viðtalið við Áslaugu og Ólaf Jóhann má sjá og heyra í heild sinni í spilaranum hér að neðan.

Tengdar fréttir

Spursmál

Vill taka mun harðar á hægaakstri

• Jón Gnarr „gegnir engu embætti fyrir Viðreisn“
• „Skyndilega orðinn kokhraustur kvenhatari“
• Segir ályktun Viðreisnar um sjávarútveginn ranga
• Séra Herjólfur eða örkin hans Óla

» Fleiri tengdar fréttir

• Blogga um frétt