Misbrestur átti sér stað þegar konan sem kærði Albert Guðmundsson fótboltamann fyrir að brjóta á sér kynferðislega leitaði þjónustu á neyðarmóttöku fyrir þolendur kynferðisofbeldis á Landspítala, að sögn Anne Maríu Steinþórsdóttur verkefnastjóra neyðarmóttökunnar.

Frétt af mbl.is

Leitaði á neyðarmóttöku en sagt að koma seinna

Konan leitaði til neyðarmóttöku Landspítala mánudaginn 26. júní 2023, en hún sakaði Albert um að hafa brotið á sér aðfaranótt sunnudagsins 25. júní. Þar var viðtal tekið við hana á biðstofunni og henni svo boðið að koma aftur daginn eftir.

Á þriðjudeginum var hringt í hana og henni boðið viðtal á miðvikudeginum. Ekki var framkvæmd líkamsskoðun á henni, heldur einungis tekið viðtal, þar sem hún hafði farið í sturtu. 

Frétt af mbl.is

Albert sýknaður

Skortur á gögnum

Albert var sýknaður af ákærunni í síðustu viku og í dómi Héraðsdóms Reykjavíkur segir að ekki hafi verið hægt að komast að sekt eða sakleysi, meðal annars vegna þess að gögn skorti, þar með talið gögn úr líkamsskoðun.

„Það er ljóst að þarna varð misbrestur á þjónustu neyðarmóttökunnar. Ferlið okkar er með þeim hætti að fólk sem til okkar leitar fær samtal við hjúkrunarfræðing í einrúmi," segir Anne. 

Lesa má meira um málið í Morgunblaðinu í dag. 

Tengdar fréttir

Albert ákærður fyrir nauðgun

Albert má spila fyrir landsliðið

• Máli Alberts áfrýjað
• Framburður konunnar ekki nógu áreiðanlegur
• Leitaði á neyðarmóttöku en sagt að koma seinna
• Albert tjáir sig eftir sýknudóminn

» Fleiri tengdar fréttir