Bryndís vill halda 3. sæti á lista
Setja bókamerki
/frimg/1/52/34/1523496.jpg)
Bryndís Haraldsdóttir, þingmaður Sjálfstæðisflokksins, hyggst gefa kost á sér til áframhaldandi setu í 3. sæti á lista flokksins í Suðvesturkjördæmi.
„Ég hef haft ánægju af því, mér finnst ég hafa haft eitthvað fram að færa. Ég tel að reynsla mín og þekking sé mikilvæg fyrir þingflokk Sjálfstæðisflokksins og ég er tilbúin að leggja mitt af mörkum áfram, fái ég til þess umboð,“ segir Bryndís í samtali við mbl.is.
/frimg/1/52/24/1522449.jpg)
Fagnar framboði Rósu
Rósa Guðbjartsdóttir, bæjarstjóri Hafnarfjarðar hefur einnig ákveðið að gefa kost á sér í 3. sæti.
Hvernig tekur þú í það?
„Ég fagna því þegar gott fólk vill gefa kost á sér fyrir hönd Sjálfstæðisflokksins og takast á við þessi störf. Svo ber ég mín störf í dóm þeirra sem á þessum fundi sitja,“ segir Bryndís.
Jón og Þórdís mætast
Stjórn kjördæmisráðsins hefur lagt til að röðun verði viðhöfð við val á lista flokksins í kjördæminu á sunnudaginn í Valhöll.
Líklegt er að tillagan verði samþykkt og þá munu hundruð trúnaðarmenn greiða atkvæði um hvernig þeir vilja sjá listanum raðað.
Jón Gunnarsson og Þórdís Kolbrún Reykfjörð Gylfadóttir hafa bæði boðið sig fram í 2. sæti á listann og er fylgst náið með þeirri baráttu.
Varð brugðið þegar hún sá upphæðina
Oscar sendur úr landi
Bryndís vill halda 3. sæti á lista
Alma Möller í framboð fyrir Samfylkinguna
Senda reglulega ábendingar vegna lyfjaávísana
„Áhættan hefur verið stórlega ofmetin“
„Skelfileg hungursneyð“ á Gasa