Þórður Þórarinsson framkvæmdastjóri Sjálfstæðisflokksins segist finna að þétt sé setið um auglýsingaplássin í kringum komandi alþingiskosningar, daginn fyrir svartan föstudag og tveimur dögum fyrir stafrænan mánudag.

Hann bendir þó á að oft sé einnig þétt setið um plássin á öðrum tímum árs. Spurður hvort flokkurinn muni færa sig í meiri mæli í auglýsingar á samfélagsmiðlum í ljósi þessa segir Þórður ekki tímabært að tjá sig um það. „Þótt menn séu komnir í alls konar pælingar um ýmislegt annað hafa engar stórar „strategískar“ ákvarðanir verið teknar í þessu tilliti.“

Mikilvægast er í hans huga að fólkið fái að tjá hug sinn og kjósa. „Við búum í lýðræðislegu þjóðfélagi og þjóðin fær að ráða. Það er nú það sem stendur upp úr í þessu öllu saman. Við hin leysum þessar áskoranir allar einhvern veginn.“

Frétt af mbl.is

Fá auglýsingapláss í boði fyrir flokkana