Ragnhildur Jónsdóttir, hagfræðingur og forseti bæjarstjórnar á Seltjarnarnesi, býður sig fram í fjórða sæti á lista Sjálfstæðisflokksins í Suðvesturkjördæmi fyrir næstu alþingiskosningar. 

Þetta kemur fram í tilkynningu frá Ragnhildi. 

Nú þegar hefur Sigríður Ármann, varaþingmaður Sjálfstæðisflokksins, gefið kost á sér í fjórða sæti á lista flokksins í kjördæminu. Auk þess gefur Vilhjálmur Birgisson kost á sér í öðru til fjórða sæti á lista flokksins í kjördæminu.

Frétt af mbl.is

Sigþrúður vill setjast í sæti Óla Björns

Frétt af mbl.is

Öll augu á Suðvesturkjördæmi

Heilbrigðis-, mennta- og efnahagsmál í fogrunni

Ragnhildur er forseti bæjarstjórnar á Seltjarnarnesi og situr auk þess í bæjarráði. Hún var varabæjarfulltrúi á síðasta kjörtímabili og formaður skipulags- og umferðarnefndar. Á þessum árum var hún einnig varaformaður skólanefndar. 

Ragnhildur hefur einnig starfað í banka við efnahagsgreiningu og eignastýringu og í rannsókna- og spádeild Seðlabanka Íslands. Síðustu ár hefur hún tekið þátt í að byggja upp nýsköpunarfyrirtæki í heilbrigðistækni, Sidekick Health. 

„Áherslumál mín eru heilbrigðismál, menntamál og hagstjórn í samræmi við áherslur flokksins. Öflugt efnahagslíf, hófleg ríkisútgjöld og lágir skattar eiga að vera meginmarkmið flokksins þar sem mestu skiptir að leyfa frelsi einstaklinga, sveigjanlegum rekstrarformum og atvinnulífi að blómstra og skapa þannig sterkari grunn fyrir velferð fólks í landinu,“ segir Ragnhildur í tilkynningu. 

Tengdar fréttir

Alþingiskosningar 2024

Oddvitaslagur í Suðurkjördæmi

• Harðari barátta um hvert sæti í Norðvestur
• „Langflestir flokkar höfðu samband við mig“
• Forsetaframbjóðendur flykkjast í framboð
• Öll augu á Suðvesturkjördæmi

» Fleiri tengdar fréttir

• Blogga um frétt