Alma D. Möller landlæknir hefur tilkynnt uppstillinganefnd Samfylkingarinnar að hún gefi kost á sér til að leiða lista flokksins í Suðvesturkjördæmi.

Þessu greinir hún frá í færslu á Facebook í ljósi færslu Guðmund­ar Árna Stef­áns­sonar, vara­formanns Sam­fylk­ing­ar­inn­ar og bæj­ar­full­trúa í Hafnar­f­irði, frá því í morgun þar sem hann greindi frá því að hann ætli ekki að bjóða sig fram vegna veikinda. 

Frétt af mbl.is

Hættur við að sækjast eftir oddvitasætinu

Áður hafði einungis komið fram að Alma hefði ákveðið að gefa kost á sér á lista flokksins fyrir komandi kosningar. 

Frétt af mbl.is

Alma Möller í framboð fyrir Samfylkinguna

Í færslu sinni óskar Alma Guðmundi skjóts og góðs bata.

„Guðmundur Árni er öflugur stjórnmálamaður og leiðtogi og það verður mikill missir af því að geta ekki fullnýtt reynslu hans, kraft og sýn í komandi kosningabaráttu. Framlag hans til baráttu fyrir jafnaðarmennsku; fyrir réttlátara og betra samfélagi, er ómetanlegt.“

Þá segir Alma að á meðal þeirra sem hafa skorað á hana til að fara í framboð er Guðmundur og þakkar hún honum fyrir traustið. 

Tengdar fréttir

Alþingiskosningar 2024

Framsókn samþykkir uppstillingu í Suðvesturkjördæmi

• Stór hópur að „drepast“ úr spenningi
• Hannes fer í framboð fyrir Samfylkinguna
• Hættur við að sækjast eftir oddvitasætinu
• Magnea sækist eftir 3. sæti í Reykjavík

» Fleiri tengdar fréttir

• Blogga um frétt