Vilja setja þak á hámarkslaun
Stefán E. Stefánsson
Setja bókamerki
Tengdar fréttir
Spursmál
Sósíalistar vilja setja hámark á launatekjur fólks. Þó liggur ekki fyrir hvort miða ætti við þreföld eða fjórföld lágmarkslaun hjá ríkinu.
Þetta staðfestir Sanna Magdalena Mörtudóttir, sem fer fyrir framboði Sósíalistaflokks Íslands í komandi alþingiskosningum. Hún var gestur Spursmála fyrr í vikunni þar sem þetta stefnumál flokksins var til umræðu.
Orðaskiptin þar um má sjá í heild sinni í spilaranum hér að ofan.
Næði það fram að ganga yrðu hámarkslaun í landinu einhversstaðar í kringum 1.300 þúsund og upp í 1.800 þúsund krónur á mánuði, sé miðað við lægstu launaflokka í kjarasamningum sem ríkið gerir við félög á borð við Eflingu og Sameyki.
Hvert færu hálaunastéttirnar?
Þegar Sanna Magdalena er spurð út í það hvert svæfingalæknar og flugstjórar landsins myndu flytja ef þessi stefna yrði innleidd, stendur ekki á svörum. Vandinn er ekki þessar stéttir heldur það að ekki hefur tekist að hækka laun hinna lægstlaunuðu meira en raun ber vitni.
Þess má geta að lágmarkstaxti Sameykis í samningum við íslenska ríkið hefur hækkað um slétt 50% á síðustu 5 árum.
Viðtalið við Sönnu Magdalenu má sjá í heild sinni hér fyrir neðan:
Tengdar fréttir
Spursmál
Hvenær vitum við úrslitin?
Varnarmálaráðherra Ísraels rekinn
Þungbært að missa félaga
„Allir tilbúnir að hjálpa“
Nágranninn fannst látinn við nærliggjandi skóla
Börnum mismunað: Kjaradeilan verði leyst án tafar
Ekki gerlegt að sakfella eftir lýsingu í ákæru