Bjarni Benediktsson forsætisráðherra bregður fyrir í TikTok-myndbandi ásamt dóttur sinni þar sem þau hlýða á vinsælasta unglingasmell landsins.

Þegar boðað er til kosninga með stuttum fyrirvara eru góð ráð dýr hvað varðar auglýsingapláss fyrir stjórnmálaflokkana, enda flest plássin uppurin í aðdraganda hrekkjavöku, jóla og svarts föstudags.

Hafa margir flokkanna brugðið á það ráð að höfða til kjósenda á samfélagsmiðlum með misgóðum árangri. 

Sló í gegn meðal táninga landsins

Sjálfstæðisflokkurinn virðist nú beina sjónum sínum að yngri kynslóðinni en flokkurinn birti í dag myndskeið af formanni flokksins ásamt dóttur hans, Helgu Þóru Bjarnadóttur, þar sem þau ganga saman með sitthvort heyrnartólið í eyranu.

Myndatökumaðurinn stöðvar þau og spyr hvað þau séu að hlusta á og kveðst Bjarni vera að hlusta á Yibbi Hell Yeah (Maggi Borða) eftir listamanninn Sif.

Flestir foreldrar, kennarar og starfsmenn frístundamiðstöðva kannast eflaust við lagið en það hefur slegið í gegn á meðal táninga landsins á samfélagsmiðlum.

Tengdar fréttir

Alþingiskosningar 2024

Sigmundur Davíð á traktor í Skeifunni

• „Svo er bara enginn að framkvæma þetta“
• Beint: Fundur ÖBÍ með frambjóðendum
• Beint: Kosningafundur SI með formönnum flokka
• Verður Inga Sæland í oddastöðu eftir kosningar?

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Af óviðunadi afvegaleiðingu ungmenna