Búist er við aukinni úrkomu um allt land í kvöld sem mun standa fram yfir allan morgundaginn. Ekki er hægt að útiloka að skriður geti fallið úr brött hlíðum, þar sem jarðvegur er víða vatnsmettaður

Mesta úrkoman mun falla á sunnanverðan Vatnajökul, á Mýrdalsjökul og í kringum Eyjafjöll. Einnig verður nokkuð úrkomusamt á Snæfellsnesi og á sunnanverðum Vestfjörðum. 

Þetta kemur fram í tilkynningu skriðuvaktar Veðurstofu Íslands. 

Frétt af mbl.is

„Fólk ætti að fara að öllu með gát“

Jarðvegur víða vatnsmettaður

Síðustu dagar hafa verið úrkomusamir og hefur Veðurstofu Íslands borist nokkrar tilkynningar um grjóthrun í mismunandi landshlutum. Í byrjun vikunnar féll jarðvegsskriða í Kjós en skriðuvaktinni hafa ekki borist fleiri skriðutilkynningar. 

Ekki er hægt að útiloka hreyfingar í bröttum hlíðum þar sem jarðvegur er víða vatnsmettaður og nær ekki að þorna upp á milli skila. 

Hvetja fólk til að hafa samband

Til að hægt sé að hafa yfirsýn yfir skriðuaðstæður á landinu er fólk hvatt til þess að tilkynna skriðuföll til skriðuvaktar Veðurstofunnar, sem getur svo metið aðstæður að nýju. 

Hægt er að hafa samband í síma 522-6000 á afgreiðslutíma skiptiborðsins eða senda tölvupóst með upplýsingum á skriduvakt@vedur.is. 

Tengdar fréttir

Veður

Kröpp lægð slengir inn suðvestan vindröst

• „Fólk ætti að fara að öllu með gát“
• Gular og appelsínugular viðvaranir á morgun
• Reiknað með snörpum hviðum
• Hvasst norðan til fram eftir morgni

» Fleiri tengdar fréttir

• Blogga um frétt