Christopher G. Krystynuson hefur dregið framboð sitt á lista Sjálfstæðisflokksins í komandi þingkosningum til baka en hann er eftirlýstur af lögreglunni í Póllandi fyrir fjársvik.

Christopher skipaði 14. sæti á lista Sjálfstæðisflokksins í Reykjavíkurkjördæmi norður fyrir komandi alþingiskosningar. Í yfirlýsingu frá Sjálfstæðisflokknum segir að hann hafi að eigin frumkvæði dregið framboð sitt til baka 

„Í ljós hefur komið að hann uppfyllir ekki kjörgengisskilyrði til setu á Alþingi,“ segir í yfirlýsingu Sjálfstæðisflokksins.

Aðrir sem skipa sæti neðar á framboðslistanum munu því færast upp um eitt sæti, samkvæmt yfirlýsingunni.

Eftirlýstur fyrir fjársvik

Rúv greindi frá því að Christofer væri eftirlýstur í Póllandi fyrir fjársvik af lögreglunni í bænum Gryfino í vesturhluta Póllands.

Yfirvöld þar í landi hafa óskað eftir því að maðurinn verði framseldur til Póllands en íslensk stjórnvöld neituðu þeirri beiðni. Rúv segir að Christopher hafi verið búsettur á Íslandi í áratugi en var áður skráður í þjóðskrá undir nafninu Krzysztof Gajowski en hann er eftirlýstur undir því nafni. 

Ríkismiðillinn hefur eftir Christofer að málið snúist um fyrirtæki sem hann rak í Póllandi fyrir nærri þrjátíu árum. Þegar fyrirtækið fór í þrot hafi hann flutt úr landi og því sé málið enn óklárað í Póllandi.

Hann líti svo á að hann sé saklaus maður samkvæmt íslenskum lögum.

Tengdar fréttir

Alþingiskosningar 2024

GerviBjarni svarar spurningum kjósenda

• Maskína: Sósíalistar á uppleið
• Afstaða flokkanna til nikótínpúða og áfengissölu
• Sama orðræða um konur og í Klaustursmálinu
• Þórður „má og á að skammast sín“

» Fleiri tengdar fréttir

• Blogga um frétt