Útkall vegna þaks að fjúka af hlöðu
Björgunarsveitarmenn að störfum. Myndin er úr safni.
mbl.is/Eggert Jóhannesson
Setja bókamerki
Björgunarsveitir voru kallaðar út skömmu fyrir klukkan sjö í morgun vegna þess að þak var að fjúka af hlöðu skammt frá Laxárvirkjun í Aðaldal, sunnan við Húsavík.
Að sögn Jóns Þórs Víglundssonar, upplýsingafulltrúa Slysavarnarfélagsins Landsbjargar, var hjálparsveit skáta í Aðaldal og Reykjadal kölluð út ásamt björgunarsveitinni Garðari frá Húsavík.
Jón Þór segir björgunarsveitarmenn séu enn að störfum.
Á Suðureyri byrjaði þakkantur að losna af húsi um ellefuleytið í gærkvöldi og var það verkefni afgreitt tiltölulega hratt.
Einnig lauk aðgerðum vegna þaks sem var að fjúka á bóndabæ í Grenivík um hálftíuleytið í gærkvöldi.
Ekki hægt að laga suma vegi fyrr en í vor
Staðan ágæt en viðbúin frekari aurskriðum
Um 3.800 flutt til landsins í ár
Vilja bora við Bolaöldu
Innlend hópsýking lifrarbólgu B
Þegar borgin stal jólunum