Allt bendir til þess að vatnið í Bolungarvík sé aftur orðið eðlilegt og hæft til matvælavinnslu og drykkjar.

Þetta kemur fram í tilkynningu á vef Bolungarvíkurbæjar.

Í gær kom fram að neysluvatnið í bænum væri mengað vegna leysinga.  

Frétt af mbl.is

Vandræði með vatn í Bolungarvík

„Eftir að veðuraðstæður bötnuðu í gærkveldi og það hætti að rigna, breyttust aðstæður hratt í vatnsveitunni. Það minnkaði vatnið í lóninu og ástandið var viðráðanlegt,“ segir í tilkynningunni.

„Starfsfólk vatnsveitunnar var við vinnu fram á nótt og byrjaði snemma í morgun með góðum árangri. Allur síubúnaður virkar vel og er allt vatn geislað í samræmi við allar verklagsreglur.“

Fram kemur að stutt sé í næsta hvell og bærinn sé byrjaður að undirbúa sig til að tryggja vatnsgæðin.

Unnið verður náið með Heilbrigðiseftirliti Vestfjarða næstu daga í eftirliti og sýnatökum.

Tengdar fréttir

Veður

Áfram óvissustig vegna skriðuhættu

• Gular viðvaranir og spáð kólnandi veðri
• Ekki hægt að laga suma vegi fyrr en í vor
• Myndir: Vel gekk að fergja lausar þakplötur
• Vegurinn um Eyrarhlíð opnaður aftur

» Fleiri tengdar fréttir

• Blogga um frétt