Andstaða og of knappur tími
Setja bókamerki
Diljá Mist Einarsdóttir, formaður efnahags- og viðskiptanefndar Alþingis, segir meirihluta nefndarinnar taka undir markmið nýs tekjuöflunarkerfis af ökutækjum og eldsneyti.
Efnahags- og viðskiptanefnd vísaði frumvarpi til laga um kílómetragjald á ökutæki til ríkisstjórnarinnar í vikunni. Þannig verður það ekki að lögum fyrir áramót.
Gafst ekki ráðrúm
Diljá segir í samtali við mbl.is að nefndinni hafi borist fjölmargar athugasemdir og ábendingar sem ekki hafi fengist almennileg svör við og ekki gefist ráðrúm til að kafa nógu djúpt ofan í.
„Eins og þær aðstæður sem eru uppi núna og miðað við tímahrakið sem við vorum í þá fannst okkur best að afgreiða málið með þessum hætti. Ekki af því að við vorum andsnúin kerfisbreytingunni heldur af því okkur gafst ekki tími til að vinna málið nægilega vel í þinginu,“ segir Diljá og nefnir ýmsar greiningar og mat á áhrifum sem dæmi þar um.
Nauðsynlegt að breyta kerfinu
Hún segir kerfisbreytinguna þurfa að eiga sér stað. „Ef þessi þróun heldur áfram, sem hún mun gera, verður það auðvitað alltaf þannig í meira mæli að þeir sem ekki nota vegakerfið þurfa að standa undir greiðslum á því.“
Diljá segir ágætis samhljóm hafa verið innan nefndarinnar um niðurstöðuna þó að afgreiðslan hafi verið með þessum hætti.
Uppfært: Fyrirsögn fréttarinnar hefur verið breytt.
Fresta framkvæmdum við Landspítala
„Mjög bagalegt“ að klára ekki málið
Óvissustigi á Vestfjörðum aflýst
Par flutt á bráðamóttöku eftir árás
Erfiðara fyrir flokka að segjast hlutlausir
Unnu eftir kröfugerð sem lögð var fram í upphafi
Síminn stoppar ekki hjá Árekstur.is
Óeðlilegt að sama gjald verði tekið óháð þyngd
