Samningafundur eftir 17 daga hlé
Setja bókamerki
Samninganefndir kennara og ríkis og sveitarfélaga komu saman til formlegs samningafundar hjá ríkissáttasemjara klukkan 13:00 í dag, en sautján dagar eru frá síðasta fundi.
Ríkissáttasemjari sagði í samtali við mbl.is í gær að báðir deiluaðilar hefðu samþykkt að prófa nýja aðferðafræði og að kennarar væru tilbúnir að setja til hliðar í bili kröfuna um viðmiðunarhópa. Var það forsenda fyrir því að hægt var að boða til þessa samningafundar í dag.
Hafa hafnað tveimur tilboðum
Inga Rún Ólafsdóttir, formaður samninganefndar Sambands íslenskra sveitarfélaga, sagði í samtali við mbl.is að unnið hefði verið að því í síðustu viku að koma á samningafundi
„Það var unnið að þessu í síðustu viku og í gær líka á formannafundum og í alls konar samtölum og á minni fundum. Vonandi ber þetta einhvern árangur í dag að hreyfa okkur eitthvað áfram.“
Inga sagði það skipta miklu máli ef kennarar væru tilbúnir að setja til hliðar kröfu um að finna viðmiðunarhópa á almennum markaði til að jafna laun þeirra við. Það kæmi hins vegar í ljós á fundinum hvor það yrði raunin.
Samninganefnd Sambands íslenskra sveitarfélaga hefur gert samninganefnd Kennarasambandsins tvö tilboð en þeim var báðum hafnað.
„Þetta er auðvitað mjög alvarlegt mál“
„Það þarf ekki að hækka skatta“
Erfitt að rifja atvikið upp
/frimg/1/36/11/1361142.jpg)
Margir nemendur upplifa óöryggi og kvíða
Brunagaddur inn til landsins
Geta gert samning um afnot af seldum húsum
Kennarar hafa hafnað tveimur tilboðum
Segir 2025 skera úr um hver vinnur stríðið