Lát hjóna í Neskaupstað: Gæsluvarðhald framlengt
Setja bókamerki
Fallist hefur verið á kröfu lögreglustjórans á Austurlandi um áframhaldandi gæsluvarðhald yfir manni sem er grunaður um að hafa orðið hjónum á áttræðisaldri að bana í heimahúsi í Neskaupstað í ágúst síðastliðinn.
Gæsluvarðhaldið átti að renna út á morgun en það hefur verið framlengt til 20. desember. Maðurinn hefur setið í gæsluvarðhaldi í 14 vikur en samkvæmt lögum um meðferð sakamála er aðeins heimilt að vista grunaða í gæsluvarðhald í 12 vikur án þess að ákæra sé gefin út gegn þeim. Hins vegar teljast skilyrði 2. mgr. 95. gr. laga nr. 88/2008 um meðferð sakamála uppfyllt með vísan til almannahagsmuna.
Kristján Ólafur Guðnason, yfirlögregluþjónn á Austurlandi, segir í samtali við mbl.is að gagna í málinu sé enn beðið en vonir standa til að þau berist eigi síðar en í næstu viku. Málið verður þá sent embætti héraðssaksóknara til afgreiðslu.
„Hann drekkur þangað til líkaminn slekkur á sér“
Endaði á Íslandi að mjólka kindur
Einhversstaðar komast efnin inn í landið
Við þurfum fleira fólk austur!
Tónleikagestir óttuðust um öryggi sitt og annara
„Fólki leið betur þegar það kom út úr vélinni“
„Ég fór ekki út“
Gullið er malað með gamalli virkjun