Finnbjörn A. Hermannsson, forseti Alþýðusambands Íslands, segir lækkun ársverðbólgunnar niður í 4,8% vera í takt við það sem sambandið bjóst við.

Frétt af mbl.is

Verðbólgan komin undir fimm prósent

„Þetta styrkir í sessi þessa lækkun á stýrivöxtum og mun örugglega hvetja Seðlabankann til enn frekari dáða,“ segir Finnbjörn, spurður út í tíðindin.

Hann segir spá ASÍ hafa verið örlítið jákvæðari en engu að síður sé það stór áfangi að komast undir fimm prósentin.

Frétt af mbl.is

Ráðandi pólitísk öfl gáfust upp á verkefninu

„Seðlabankinn byrjaði of seint“

„Ég held að þetta sé komið til að vera og haldi áfram að lækka,“ bætir hann við spurður út í næstu mánuði hvað varðar verðbólguna.

„Þetta er í þá átt sem við reiknuðum með í kjarasamningunum síðustu. Svo hefur þetta verið að teiknast upp smátt og smátt. Við erum enn þá þeirrar skoðunar að Seðlabankinn byrjaði of seint á vaxtalækkunum og við hefðum átt að vera komin lengra niður. Núna segir þetta okkur að raunvextir eru enn hærri heldur en ella,“ segir Finnbjörn og hvetur Seðlabankann til að efna til aukafundar til að lækka stýrivextina enn frekar. Of langt sé að bíða til næstu stýrivaxtaákvörðunar í febrúar á næsta ári.

Tengdar fréttir

Vextir á Íslandi

Spá 4,7% verðbólgu í desember

• Íslandsálagið u.þ.b. eitt prósentustig
• Nefndarmenn sammála í Seðlabankanum
• Lítið ber á vanskilum og greiðsluerfiðleikum
• Verðbólguspá næstu mánaða hefur hækkað

» Fleiri tengdar fréttir

• Blogga um frétt