„Ég er mjög glaður að sjá þessar fyrstu tölur. Maður veit aldrei svona síðustu dagana fyrir kosningar hvernig þetta endar og er alltaf smá kvíði,“ segir Sigmundur Davíð Gunnlaugsson, formaður Miðflokksins, í samtali við mbl.is.

Fyrstu tölur úr Suður- og Norðausturkjördæmi voru kynntar fyrir skömmu. 

Sigmundur er spenntur fyrir kvöldinu, en hefur þó smá áhyggjur. 

„Helstu áhyggjur mínar eru þær að ég muni vaka of lengi fram á morgun og verða of þreyttur í viðtölum í fyrramálið, en í þessum aðstæðum þá verður maður að láta sig hafa fleira en gott þykir,“ segir Sigmundur.