Innlent | mbl | 30.11.2024 | 23:54

Sjálfstæðisflokkurinn með 28,6% í SV

Bjarni Benediktsson bíður eftir fyrstu tölum. mbl.is/Arnþór

Sjálfstæðisflokkurinn er stærsti flokkurinn í Suðvesturkjördæmi með 28,6% þegar talin hafa verið 6.300 atkvæði. Samfylkingin er næststærsti flokkurinn með 22,2% atkvæða.

Viðreisn er með 14,3%, Flokkur fólksins með 11,1% og Miðflokkurinn 9,5%. Framsókn er með 6,3% og er síðasti flokkurinn sem nær inn þingsæti miðað við þessar fyrstu tölu, en Píratar og Vinstri græn missa þingsæti samkvæmt þessu.

Eitt þingsæti bætist við í kjördæminu miðað við síðustu kosningar, en sætið fluttist úr Norðvesturkjördæmi vegna fólksfjöldabreytinga.

Miðað við þessar tölur eru þetta þingmenn kjördæmisins:

Kjördæmakjörnir
  · Bjarni Benediktsson (D)
  · Alma Möller (S)
  · Þorgerður K. Gunnarsdóttir (C)
  · Þórdís Kolbrún Reykfjörð Gylfadóttir (D)
  · Guðmundur Ari Sigurjónsson (S)
  · Guðmundur Ingi Kristinsson (F)
  · Bergþór Ólason (M)
  · Bryndís Haraldsdóttir (D)
  · Þórunn Sveinbjarnardóttir (S)
  · Sigmar Guðmundsson (C)
  · Rósa Guðbjartsdóttir (D)
  · Willum Þór Þórsson (B)
Uppbótar
  · Nanna Margrét Gunnlaugsdóttir (M)
  · Eiríkur Björn Björgvinsson (C)