„Vonum að náttúran verði til friðs“
Bæjarstjóri segir ástandið í Ölfusá nokkuð stöðugt en að viðbragðsaðilar fylgist vel með.
Ljósmynd/Einar Sindri Ólafsson
Setja bókamerki
„Staðan er nokkuð stöðug eins og er,“ segir Bragi Bjarnason, bæjarstjóri Árborgar, en vatnsyfirborð Ölfusár við Selfoss hefur haldið áfram að hækka síðan í gærkvöldi vegna klakastíflu.
Í samtali við blaðamann mbl.is segir Bragi almannavarnir fylgjast vel með rennslistölum í gegnum mæla en telji ekki að hætta steðji að eignum eins og er.
Náttúran sé þó auðvitað ólíkindatól og aðilar í viðbragðsstöðu ef verja þurfi eignir.
Náttúruöfl og kosningar
Áin sé komin alveg upp að bakkanum en sé eitthvað að ná að hreinsa sig og því bindi hann vonir við að ekkert tjón verði á eignum í kring.
„Við vonum að náttúran verði til friðs,“ segir Bragi, enda sé í mörg horn að líta í dag vegna náttúruafla og Alþingiskosninga.
„En hún er tignarleg þegar hún er orðin svona ísmikil.“
Bragi Bjarnason bæjarstjóri Árborgar.
Ljósmynd/Aðsend
Einn festist í rútu sem fór út af
Týpísk púlsavirkni í gosinu
Alma Möller: Ákall um breytingar
„Þetta eru bara jaxlar“
„Vonum að náttúran verði til friðs“
Tveir flokkar detta út en enginn nýr á leið inn