Jóhann Páll: Þurfum að standa okkur í stykkinu
Setja bókamerki
„Þetta lítur vel út. Það er ekki búið að telja öll atkvæðin en þetta lítur vel út enn sem komið er.“
Þetta segir Jóhann Páll Jóhannsson, oddviti Samfylkingarinnar í Reykjavíkurkjördæmi suður, í samtali við mbl.is á kosningavöku flokksins í Kolaportinu í kvöld.
„Nú þurfum við bara að standa okkur í stykkinu og vinna vel úr þessum niðurstöðum þannig að það sé hægt að mynda almennilega ríkisstjórn hérna á Íslandi.“
Samfylkingin leiðir í Reykjavíkurkjördæmi suður með 5.057 atkvæði af 21.949 töldum.
Telur líklegt að Samfylkingin fari í ríkisstjórn
Hvernig lítur þú á þessar niðurstöður?
„Þetta er ákall um breytingar. Þeir flokkar sem lögðu áherslu á að styðja við tekjulægri hópa, bætta geðheilbrigðisþjónustu, sterkara heilbrigðiskerfi á Íslandi, þeir eru að uppskera í þessum kosningum,“ segir Jóhann Páll.
Telur þú líklegt að Samfylkingin verði í næstu ríkisstjórn?
„Já, það er það sem við höfum stefnt að og við erum tilbúin og til þjónustu reiðubúin. Eins og frægt er orðið erum við plan,“ bætir Jóhann við.
Ánægður með listann
Jóhann segir það ekki koma sér á óvart að listinn sinn í kjördæminu hafi hlotið sterkan hljómgrunn meðal kjósenda. Hann segist ánægður með listann.
„Við erum með Rögnu Sigurðardóttur, lækni og baráttukonu fyrir bættu heilbrigðiskerfi. Í þriðja sæti erum við með Kristján Þórð Snæbjarnarson, iðnaðarmann, formann Rafiðnaðarsambandsins og fyrrverandi forseta Alþýðusambandsins, og Sigurþóru Bergsdóttur en hún hefur byggt upp Bergið Headspace.“
„Vonum að náttúran verði til friðs“
„Enginn sem er að læsa sig saman“
Dagur: Ríkisstjórnin stekkur ekki í fangið á manni
Ætlar ekki að mynda ríkisstjórn í viðtali
„Þetta eru bara jaxlar“
„Verstu spár gengu ekki eftir“