Eyða milljörðum í megrunarlyf
Setja bókamerki
Nýtt lyf, ný skilyrði
- Þegar Wegovy kom á markað voru sett skilyrði um greiðsluþátttöku SÍ.
- Til að SÍ beri kostnað þarf einstaklingur að vera með BMI-stuðul 45 og yfir og með lífsógnandi þyngdartengdan fylgikvilla, t.d. háþrýsting eða sykursýki sem ekki hefur tekist að meðhöndla.
- Einnig geta einstaklingar með BMI-stuðul 35 og alvarlegan lífsógnandi sjúkdóm fengið lyfið.
Íslendingar hafa varið rúmum tveimur milljörðum króna í þyngdarstjórnunarlyfið Wegovy á fyrstu ellefu mánuðum ársins. Langstærstur hluti er einstaklingar sem fá lyfið uppáskrifað af lækni en mæta ekki skilyrðum fyrir greiðsluþátttöku frá Sjúkratryggingum Íslands.
Á árinu 2024 voru 10.733 einstaklingar á lyfinu og greiddu fyrir það úr eigin vasa, tæplega 1,8 milljarða króna samtals.
987 manns fá Wegovy niðurgreitt af Sjúkratryggingum. Hefur það kostað SÍ rúmar 200 milljónir króna á þessu ári að greiða niður lyfið og einstaklingana um 20 milljónir króna samtals.
Þetta má lesa út úr þeim gögnum sem Morgunblaðið kallaði eftir frá Sjúkratryggingum Íslands um greiðsluþátttöku lyfja.
Færri á Ozempic
Um helmingi færri, eða 4.991 einstaklingur, hafa notað sykursýkislyfið Ozempic á þessu ári og mætt skilyrðum fyrir greiðsluþátttöku frá SÍ. Hafa SÍ niðurgreitt lyfið fyrir rúmlega 1,1 milljarð króna á þessu ári og er það litlu meiri kostnaður en á öllu síðasta ári, en þá voru 5.067 manns á lyfinu með greiðsluþátttöku frá SÍ.
Ríflega 1.600 manns hafa fengið Ozempic uppáskrifað frá lækni en ekki mætt skilyrðum fyrir greiðsluþátttöku. Hafa þeir greitt samtals 127 milljónir króna úr eigin vasa fyrir lyfið á árinu. Ef notkun milli áranna 2023 og 2024 er borin saman má sjá að færri einstaklingar eru á Ozempic.
Þannig voru 3.953 á lyfinu árið 2023 án þess að fá það niðurgreitt, en aðeins 1.624 á fyrstu 11 mánuðum ársins 2024. Lítillega færri fá lyfið niðurgreitt, eða 76 færri en á síðasta ári.
Ítarlegri umfjöllun má lesa í Morgunblaðinu í dag.
Nýtt lyf, ný skilyrði
- Þegar Wegovy kom á markað voru sett skilyrði um greiðsluþátttöku SÍ.
- Til að SÍ beri kostnað þarf einstaklingur að vera með BMI-stuðul 45 og yfir og með lífsógnandi þyngdartengdan fylgikvilla, t.d. háþrýsting eða sykursýki sem ekki hefur tekist að meðhöndla.
- Einnig geta einstaklingar með BMI-stuðul 35 og alvarlegan lífsógnandi sjúkdóm fengið lyfið.
Neyðist til að opna veitingastaðinn
Skipun Ingu í stjórn HMS ekki lögmæt
Svolítill djammkarl í vísindum
Kona ónáðaði börn á skólalóð
Tæmdu fyrirtæki kerfisbundið
Loka Hagaborg næsta vetur
Reyndu að fella Vilhjálm á brennivíni, kerlingum og sköttum
Málið í Bríetartúni á borði Félagsbústaða