Lands­rétt­ur hef­ur staðfest dóm yfir karl­manni sem var sakaður um kyn­ferðis­brot og brot gegn barna­vernd­ar­lög­um þegar hann gekk inn í kvenna­klefa sund­laug­ar þar sem 14 ára stúlka stóð nak­in. 

Maður­inn viðhafði um­mæli um lík­ama henn­ar og spurði hana per­sónu­legra spurn­inga, bauð henni að sjá lík­ama sinn og byrjaði að girða niður um sig uns stúlk­an sagði nei. At­vikið átti sér stað í mars 2022. 

Var maður­inn, sem er er­lend­ur, dæmd­ur í tveggja mánaða skil­orðsbundið fang­elsi og gert að greiða stúlk­unni 500.000 í miska­bæt­ur í Héraðsdómi Reykja­ness í des­em­ber í fyrra. Lands­rétt­ur staðfesti dóm­inn í gær. 

Í dómi Lands­rétt­ar voru rak­in atriði sem tal­in voru draga úr trú­verðug­leika framb­urðar manns­ins. Framb­urður stúlk­unn­ar var á hinn bóg­inn tal­inn skýr og stöðugur og ekki stang­ast á við gögn máls­ins.

Talið var hafið yfir skyn­sam­leg­an vafa að maður­inn hefði gerst sek­ur um þá hátt­semi sem hon­um væri gef­in að sök og hann sak­felld­ur sam­kvæmt ákæru. 

Mann­in­um var enn frem­ur gert að greiða all­an áfrýj­un­ar­kostnað máls­ins, tæp­ar 1,4 millj­ón­ir kr. 

Tengd­ar frétt­ir

Kyn­ferðis­brot

Til­kynn­ing­um um nauðgun fjölg­ar

• Kýldi konu eft­ir sam­far­ir
• Hæstirétt­ur samþykk­ir að taka fyr­ir nauðgun­ar­dóm
• Fær þyngri dóm fyr­ir að taka upp nauðgun
• Sakaður um ít­rekaðar nauðgan­ir í skóla

» Fleiri tengd­ar frétt­ir

• Blogga um frétt