Rannsókn lögreglunnar á Suðurnesjum á banaslysinu sem varð í Grindavík 10. janúar er lokið. Lúðvík Pétursson féll í sprungu er hann var við störf í bænum og lést. 

Málið er nú komið á lögfræðisvið embættisins sem tekur ákvörðun um hvort ákært verði í málinu. 

Þetta staðfesti Úlfar Lúðvíksson, lögreglustjóri á Suðurnesjum, í samtali við mbl.is. 

Fleiri en einn höfðu rétt­ar­stöðu sak­born­ings í nóvember þegar sagt var frá rannsókninni. 

Frétt af mbl.is

Með réttarstöðu sakbornings við rannsókn banaslyss

Unnið að því að bjarga húsum 

Slysið varð þegar unnið var að því að bjarga húsi í Hóps­hverfi í Grinda­vík. Verkið var unnið af verk­fræðistof­unni Eflu fyr­ir til­stilli Nátt­úru­ham­fara­trygg­ingar Íslands (NTÍ).

Meðal ann­ars er starfsmaður Eflu með rétt­ar­stöðu sak­born­ings en Hulda Ragn­heiður Árna­dótt­ir, fram­kvæmda­stjóri NTÍ, vildi í nóvember ekki tjá sig um það hvort ein­hver inn­an stofn­un­ar­inn­ar hefði rétt­ar­stöðuna.

Hug­mynd­in með verk­inu var að fylla upp í sprungu sem lá að og við sökkul húss í Vesturhópi með það fyrir sjónum að hægt yrði að bjarga húsinu.

Ekkert áhættumat 

Í skýrslu Vinnu­eft­ir­lits­ins um slysið er sér­stak­lega gerð at­huga­semd við að ekki hafi verið fram­kvæmt áhættumat á aðstæðum, meðal ann­ars á jarðfræðileg­um aðstæðum á því svæði þar sem jörð gaf sig þegar Lúðvík var að störf­um.

Einn viðmæl­enda, sem vildi ekki koma fram und­ir nafni en þekk­ir til máls­at­vika, bend­ir á það að ekk­ert verk í Grinda­vík hafi verið unnið að und­an­gengnu áhættumati.

Tengdar fréttir

Maður féll í sprungu í Grindavík

Rannsókn lögreglu á banaslysi aftur hjá ákærusviði

• Fara fram á staðfestingu á andláti Lúðvíks
• Ráðuneytið varð við beiðni fjölskyldu Lúðvíks
• Með réttarstöðu sakbornings við rannsókn banaslyss
• Mun óska svara frá ráðuneytum eftir banaslys

» Fleiri tengdar fréttir

• Blogga um frétt