Þarf að sæta áframhaldandi gæsluvarðhaldi
Setja bókamerki
Landsréttur hefur staðfest úrskurð Héraðsdóms Reykjavíkur í máli eins hinna sakfelldu í Sólheimajökulsmálinu um að hann skuli sæta áframhaldandi gæsluvarðhaldi.
Þann 3. desember var maðurinn sakfelldur fyrir stórfellt fíkniefnalagabrot og skipulagða brotastarfsemi í Héraðsdómi Reykjavíkur. Var honum gert að sæta fangelsi í fimm ár. Hefur hann áfrýjað dómnum til Landsréttar, en ekki liggur fyrir hvenær aðalmeðferð muni fara fram í málinu.
Héraðssaksóknari krafðist þess í kjölfarið að maðurinn myndi áfram sæta gæsluvarðhaldi þar til endanlegur dómur liggi fyrir. Byggði héraðssaksóknari kröfu sína á almannahagsmunum.
„Þegar litið er til eðlis brotanna sem dómfelldi hefur verið sakfelldur fyrir er jafnframt fallist á að gæsluvarðhald sé nauðsynlegt með tilliti til almannahagsmuna,“ segir í úrskurði héraðsdóms.
Maðurinn hefur sætt gæsluvarðhaldi frá 12. apríl. Er honum gert að sæta áfram gæsluvarðhaldi, þó ekki lengur en til 3. júní á næsta ári.
„Þetta snerist um hvort það mætti segja ósatt“
Ákvörðun ekki endurskoðuð þrátt fyrir mótmæli
Telur samræmt námsmat nauðsynlegt
Ætlaði ekki að setja þingstörf í uppnám
Spyr um fórnarkostnaðinn af „herferðinni“
Khamenei: „Bandaríkin græddu ekkert á árásunum“
Tölvupóstar sem minna á hin alræmdu Nígeríubréf