Kristrún Frostadóttir, forsætisráðherra Íslands, segir að lög um hvalveiðar á Íslandi séu úrelt og krefjist endurskoðunar.

Þetta kemur fram í samtali hennar við blaðamann mbl.is á Bessastöðum að loknum fyrsta ríkisráðsfundi nýrrar ríkisstjórnar Samfylkingar, Viðreisnar og Flokks fólksins.

Bjarni Bene­dikts­son, sem þá var starf­andi mat­vælaráðherra, gaf 5. desember út leyfi til veiða á langreyðum til Hvals hf. auk leyf­is til veiða á hrefnu til tog- og hrefnu­veiðibáts­ins Hall­dórs Sig­urðsson­ar ÍS 14, sem er í eigu fé­lags­ins Tjald­tanga.

Frétt af mbl.is

Bjarni veitir hvalveiðileyfi til fimm ára

Lög um hvalveiðar „mjög gömul“

Kristrún segir að leyfisveitingin, jafnt eins og önnur mál, verði skoðuð.

„Staðreyndin er auðvitað þannig í dag að það eru leyfðar hvalveiðar í landinu. Þannig lögum samkvæmt þá eru auðvitað leyfðar hvalveiðar,“ segir hún en bætir svo við:

„Við vitum öll hins vegar að þau lög eru mjög úrelt, þau eru mjög gömul og þau munu krefjast ákveðinnar endurskoðunar. Þannig þetta er bara eitthvað sem verður skoðað núna á kjörtímabilinu og við munum leggjast yfir og nýr atvinnuvegaráðherra mun þurfa að skoða þetta vel,“ segir Kristrún.

Frétt af mbl.is

Segir næstu stjórn sitja uppi með ákvörðun Bjarna

Tengdar fréttir

Hvalveiðar

Hrefnuveiðar hefjast á Ísafirði í vor

• Gagnrýna ákvarðanir starfsstjórnar
• Segir næstu stjórn sitja uppi með ákvörðun Bjarna
• Ekki rætt um hvalveiðar
• Leyfisveiting á ekki að byggja á pólitískum grunni

» Fleiri tengdar fréttir

• Blogga um frétt