„Það var hrikalegt,“ segir Þorgerður Katrín Gunnarsdóttir, formaður Viðreisnar, um augnablikið þegar hún heyrði fréttir af ásrásinni sem framin var í Magdeburg í Þýskalandi í fyrradag. Sonur hennar, Gísli Þorgeir Kristjánsson, spilar handbolta með Mag­deburg og býr í borginni. 

Fimm létust og um 200 manns særðust þegar maður ók bifreið  inn í mann­fjöld­a á jóla­markaði í Magdeburg á föstudagskvöld. 

Frétt af mbl.is

Tók þrjár mínútur að drepa fimm og særa 200

Jólamarkaðurinn alltaf skipað stóran sess

Að sögn Þorgerðar Katrínar býr Gísli Þorgeir í um 400 til 500 metra fjarlægð frá markaðnum. Þorgerður ætlaði að fara til Magdeburg nú um jólin, en vegna alþingiskosninganna þurfti fjölskyldan að hætta við ferðina. Hún segir að þegar hún hafi heimsótt borgina í desember hafi jólamarkaðurinn alltaf skipað stóran sess. 

Það var ekki fyrr en í fyrradag sem Þorgerður Katrín tók endanlega ákvörðun um að verða utanríkisráðherra. Hún hafði velt fyr­ir sér að fara í fjár­málaráðuneytið eða at­vinnu­vegaráðuneytið. Hún segir árásina í fyrradag hafa styrkt sig enn frekar í þessari ákvöðrun. 

Frétt af mbl.is

Tók ákvörðunina í gær

„Það var kannski líka það sem fékk mig til þess að styrkja mig enn frekar í því að taka utanríkisráðuneytið. Af því að það þarf að taka á málum sem tengjast öryggi og vörnum. En líka hryðjuverkjum, berjast gegn þeim af festu. Þá þurfa vestærnar lýðræðisþjóðir að sýna samstöðu í þessu,“ segir Þorgerður Katrín. 

Tengdar fréttir

Alþingiskosningar 2024

Fyrsti ríkisstjórnarfundurinn hafinn

• Auðlindagjaldið hljómar vel
• Landskjörstjórn skilar af sér eftir áramót
• Guðlaugur gaf Jóhanni nokkur frumvörp
• Fyrsti fundurinn á Þorláksmessu

» Fleiri tengdar fréttir

Árás á jólamarkað í Magdeburg

Öðrum leik frestað vegna árásarinnar

• Syrgja fórnarlömb bílaárásar
• Segjast hafa varað þýsk yfirvöld við
• Barnið sem lést var níu ára gamalt
• Tók þrjár mínútur að drepa fimm og særa 200

» Fleiri tengdar fréttir

• Blogga um frétt