Veðurstofa Íslands hefur gefið út gular viðvaranir vegna suðvestan storms og hríðarveðurs á Faxaflóa og Breiðafirði á morgun, aðfangadag.

Á Faxaflóa tekur gul viðvörun gildi klukkan 20 annað kvöld og gildir til klukkan 12 á jóladag og á Breiðafirði frá klukkan 21 annað kvöld til klukkan 12 á jóladag. Spáð er 15-23 m/s og verður lítið skyggni í dimmum éljum og varasamt ferðaveður.

Frétt af mbl.is

„Nánast aftakaveður þegar hryðjurnar ganga yfir“

Á Vestfjörðum tekur gul viðvörun gildi klukkan 18 í kvöld og stendur til miðnættis. Þar verða suðvestan 15-23 m/s með snörpum vindhviðum. Einnig eru líkur á éljum með lélegu skyggni og varasömu ferðaveðri.

Á Ströndum, Norðurlandi vestra og Norðurlandi eystra tekur gul viðvörun gildi um kvöldmatarleyti í kvöld og verður í gildi fram til klukkan 2 í nótt. Þar er spáð 18-25 m/s og vindhviðum yfir 35 m/s.

Frétt af mbl.is

Veðurspáin mjög slæm: Ökumenn fari varlega

Gul viðvörun er í gildi á Austurlandi að Glettingi til klukkan 12 í dag og aftur tekur gul viðvörun gildi á þessu svæði klukkan 20 í kvöld og gildir til klukkan 3 í nótt. Þar er spáð 15-23 m/s og með vindhviðum yfir 35 m/s. Fólk er hvatt til að tryggja lausamuni.

Tengdar fréttir

Veður

Holtavörðuheiði lokuð

• Töluvert um umferðaróhöpp
• Óvissustig víða á vegum
• „Hvassviðrisstormur“ væntanlegur
• Öxnadalsheiði á óvissustigi

» Fleiri tengdar fréttir

• Blogga um frétt